Türkiyəni dörd tərəfdən mühasirəyə almağı hədəfləyən ABŞ bu dəfə Ağrı dağına çatıb. ABŞ Cənubi Qafqazda təxribatlara başlamaq yolunda məkrli planlarını həyata keçirməyə davam edir.

Publika.az xəbər verir ki, bu bareədə “Yeni Akit” qəzeti yazıb.

"Moskva ilə əlaqələrini kəsən Ermənistanın baş naziri Nikol Paşinyan ölkəsini indi ABŞ-ın himayəsinə verir. Ermənistan Müdafiə Nazirliyi iyulun 15-də Vazgen Sarkisyan adına Hərbi Akademiyada erməni-amerikan birgə “Qartal tərəfdaşlığı-2024” təliminin başladığını da açıqlayıb. Təlimin açılış mərasimində Ermənistanın müdafiə naziri Suren Papikyan və ABŞ-ın İrəvandakı səfiri Kristina Kuin iştirak edib.

Papikyan buradakı çıxışında Amerikadakı Kanzas Milli Qvardiyasının 20 ildən artıqdır ki, onlara dəstək verdiyini xatırladıb. Həmçinin eyni təlimdə Avropa və Afrikada ABŞ əsgərləri ilə görüşdüklərini bildirib. İyulun 24-dək davam edəcək təlimdə ABŞ əsgərləri Ermənistan qoşunlarına bir sıra təlimlər keçəcək", - nəşr yazıb.

Bildirilib ki, bu, ABŞ ordusuna ermənilərə hərbi təlim keçmək və onları təchiz etmək üçün mühüm fürsətdir: "Ötən illərdə “təlim” adı altında Yunanıstana gətirdiyi minlərlə zirehli texnika, helikopter və tankı Afinaya hədiyyə edən ABŞ “Qartal tərəfdaşlığı” bayramı münasibətilə erməni əsgərlərinə müasir termal görüntü sistemləri paylayıb".

Nəşr qeyd edib ki, Ermənistan Müdafiə Nazirliyi də ABŞ və Avropa resursları ilə çoxlu yeni hərbi obyektlər tikir. Amerika səfirliyinin ayırdığı 16 milyon dollar vəsait hesabına İrəvanda yeni polis məntəqələri tikilib. Amerika administrasiyası tərəfindən yeni polis maşınları və patrul mühərrikləri də təmin edilir.

Roza Şəfiyeva