ABŞ-nin ikinci dəfə seçilmiş prezidenti Donald J. Tramp bildirib ki, o, hələ Rusiya Prezidenti Vladimir Putinlə seçkilərdəki qələbəsindən sonra danışmayıb, lakin belə ehtimalı istisna etmir.
QÜTB.AZ xəbər verir ki, Tramp bu barədə NBC telekanalına müsahibəsində bildirib.
"Düşünürəm ki, biz danışacağıq", - o, Rusiyanın dövlət başçısı ilə əvvəlki təmaslarının olmamasına münasibət bildirib.
Bundan əvvəl isə Rusiya lideri Vladimir Putin Trampı ABŞ prezidenti seçkilərindəki qələbəsi münasibətilə təbrik edib və onunla əlaqə qurmağa hazır olduğunu ifadə edib.
