Xəbər verdiyimiz kimi, fevralın 10-da saat 22 radələrində Mingəçevirdə 1983-cü il təvəllüdlü Aqil Əhmədov tir tüfəngindən açılmılş atəş nəticəsində ölüb.

Publika.az-ın əldə etdiyi məlumata görə, araşdırmalar zamanı atəşin yaxından açılması məlum olub. Nəticədə A.Əhmədov ağır xəsarət alıb və hadisə yerində ölüb.

Bildirilib ki, odlu silah olmayan tir tüfəngi öldürücü xüsusiyyətə malik olmasa da, çox yaxındna atəş açıldığı vaxt insana ağır zərər verə, hətta öldürə bilər. Vəfat edən Aqilin fotosunu təqdim edirik.

Qeyd edək ki, ilkin araşdırma zamanı 1983-cü il təvəllüdlü Sadiq Yusifovun şəhərin Günəşli Bağları massivi ərazisində yerləşən fərdi yaşayış evlərindən birində tanışı Aqil Əhmədova tir silahından açdığı atəş nəticəsində sonuncunun almış olduğu xəsarətdən ölməsinə əsaslı şübhələr müəyyən edilib.

Faktla bağlı Mingəçevir şəhər prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanaraq istintaq aparılır.

Turqut Seyidov