Gürcüstan polisi Tbilisidə etiraz aksiyasında saxlanılan "Dəyişikliklər Uğrunda Koalisiya" müxalifət partiyasının lideri Nika Melianı azad edib.
QÜTB.AZ xəbər verir ki, bu barədə “TV Pirveli” telekanalı məlumat yayıb.
Müxalifətçinin sözlərinə görə, o, polis idarəsində olarkən hüquq-mühafizə orqanlarının əməkdaşları tərəfindən təpiklə vurulub. Melia qeyd edib ki, polis saxlanılanlara qarşı son dərəcə aqressivdir. Müxalifətçi döyülmə ilə bağlı videogörüntülərin ictimaiyyətə açıqlanmamasını təklif edib.
Fevralın 2-də Gürcüstan paytaxtındakı “Tbilisi Mall” ticarət mərkəzində etirazçılar şəhərdən şimala gedən magistral yolu bağlaya bilməyiblər. Etirazçılarla hüquq-mühafizə orqanlarının əməkdaşları arasında münaqişə yaranıb. Nəticədə müxalifətçi Melia da daxil olmaqla bir neçə nəfər saxlanılıb. Zərərçəkənlərin olduğu bildirilir.
Hüseyn İbadlı
