ABŞ-da sərhəd təhlükəsizliyinə cavabdeh olan daxili təhlükəsizlik naziri Alejandro Mayorkasın işdən çıxarılması üçün ittihamnamə hazırlanıb.

Publika.az xəbər verir ki, ABŞ Konqresinin aşağı palatası olan Nümayəndələr Palatasında hazırlanan impiçment ittihamında Mayorkasın qəsdən immiqrasiya qanunlarına tabe olmaqdan imtina etdiyi, sərhədə nəzarət etmədiyi, ictimai təhlükəsizliyi təhlükəyə atdığı və hakimiyyət bölgüsü prinsipini pozduğu bildirilib.

ABŞ tarixində yalnız 1876-cı ildə müharibə naziri Uilyam Belknap hökumət müqavilələrində rüşvətxorluğa görə impiçment elan edilib.

Meksika sərhədindən ABŞ-a qeyri-qanuni immiqrasiya bir müddətdir ki, ölkənin ən mühüm gündəm mövzularından biri olub. Texas qubernatoru Qreq Abbott Ali Məhkəmənin Meksika sərhədindəki tikanlı məftillərin sökülməsinə dair qərarını tanımadığını bildirib. bundan sonra federal hökumətlə Abbottu dəstəklədiklərini bəyan edən ştatlar arasında böhran yaranıb.

Roza Şəfiyeva