Rusiyada prezident seçkiləri ilə bağlı sorğuların, proqnozların və araşdırmaların dərcinə qadağa tətbiq edilib.
Publika.az xəbər verir ki, qadağa martın 12-dən qüvvəyə minib. Müvafiq norma “Seçki hüquqlarının əsas təminatları və Rusiya Federasiyası vətəndaşlarının referendumunda iştirak etmək hüququ haqqında” qanunda öz əksini tapıb.
Qadağa internetdəki nəşrlərə də aiddir.
Xatırladaq ki, 2024-cü ildə Rusiyada prezident seçkiləri ilk dəfə üç gün ərzində - martın 15-dən 17-dək keçiriləcək.
Səsvermə bülletenində əlifba sırası ilə düzülmüş dörd namizəd olacaq: Yeni Xalq Partiyasından Vladislav Davankov, özünün namizədliyini irəli sürmüş Vladimir Putin, LDPR partiyasından Leonid Slutski, Rusiya Federasiyası Kommunist Partiyasından Nikolay Xaritonov.
Tural
