“Biz qarşıdan gələn Milli Məclisə seçkilərə qatıla bilməsək də, Vətənimizdəki siyasi prosesi yaxından izləyirik”.
QÜTB.AZ xəbər verir ki, bu sözləri “Seçki 2024” Müstəqil Media Mərkəzinə açıqlamasında Krasnoyarsk diyarı “Azərbaycan Milli-Mədəni Muxtariyyəti” İctimai Təşkilatının sədri Taleh Mahmudov bildirib.
O qeyd edib ki, tarixi Zəfərimizin mühüm nəticələrindən biri də işğaldan azad edilmiş ərazilərimizdə ilk dəfə parlament seçkilərin keçirilməsidir: “Bu il fevralın 7-də suveren Azərbaycanda Prezident seçkiləri baş tutdu, sentyabrın 1-də isə parlament seçkiləri keçiriləcək. Bu xəbərə qürbət ölkələrdə yaşayan azərbaycanlılar da sevinir.
Seçkilərin azad və demokratik mühitdə keçiriləcəyinə inanıram. Əminəm ki, əhalimiz seçkilərdə aktiv iştirak edəcək və layiqli namizədlərinə səs verəcək”.
