Qazaxıstanın yeni baş naziri Oljas Bektenov iqtisadiyyatda qəti və operativ tədbirlərin görülməsinə ehtiyac olduğunu bəyan edib.
Publika.az xəbər verir ki, onun müraciətini “Kazinform” Telegram kanalı yayıb.
“Yeni iqtisadi təkan vermək, həqiqətən operativ və qətiyyətli tədbirlər görmək lazımdır. Burada sənaye, neft və digər mühüm sektorlara diqqət yetiriləcək”, - deyə hökumət başçısı bildirib.
Baş nazir Qazaxıstanda istehsal olunan məhsulların xüsusi çəkisini artırmaq üçün yerli istehsalın stimullaşdırılması üçün tədbirlər görəcəyini vəd edib. Bundan əlavə, Bektenov süni intellekt və yeni texnologiyalardan istifadəni genişləndirmək planlarını açıqlayıb.
“Hökumət ölkəmizin rifahı üçün çalışacaq”, - deyə o, yekunlaşdırıb.
Tural
