Qadın 11 yaşlı uşağı 27 yaşlı oğlu ilə evləndirmək üçün qaçırıb.
Publika.az xəbər verir ki, hadisə Çində baş verib.
“South China Morning Post” nəşri yazır ki, qadın uşağı 27 yaşlı oğluna ideal həyat yoldaşı kimi böyütmək üçün qaçırıb.
O, qızla Quyçjou əyalətinin Liupanşui bölgəsinin bir kəndində tanış olub. Yanq adlı qadın oğluna uyğun gəlin seçəcəyinə qərar verib. O, məktəblinin atasını uşağı özü ilə aparmağa razılaşdırmaq istəsə də, bu, baş tutmayıb.
Sonra Yanq qızı qaçıraraq başqa əyalətə aparıb. Polis tez bir zamanda şübhəliləri müəyyən edib və ailəni həbs edib. Ana və oğluna müvafiq olaraq 2 il 7 ay həbs cəzası verilib. Qızın dörd gün bioloji valideynləri olmadan yaşadığı bildirilir.
