Vladimir Putin ABŞ-ın yeni prezidenti Donald Trampın Rusiyaya qarşı sanksiyalar tətbiq etmək ehtimalını dəyərləndirib.
QÜTB.AZ xəbər verir ki, o, Trampın Rusiyaya qarşı yeni sanksiyalar tətbiq edəcəyindən şübhə etdiyini bildirib.
"Donald Tramp ağıllı və praqmatik adamdır və çətin ki, o, ABŞ-ın iqtisadiyyatına zərər vura biləcək qərarlar versin", - Putin Moskva Dövlət Universitetinə səfərindən sonra sualları cavablandırarkən deyib.
“Mənim üçün konkret olaraq Amerika iqtisadiyyatına zərər vura biləcək qərarların qəbul ediləcəyini təsəvvür etmək çətindir”, - Rusiya lideri qeyd edib.
Xatırladaq ki, Tramp bu yaxınlarda Rusiyaya qarşı sanksiyalar tətbiq etmək istəmədiyini, lakin Rusiya rəhbərliyinin Ukraynadakı münaqişəni tezliklə həll etmədiyi təqdirdə başqa yolu qalmayacağını bəyan etmişdi.
Ləman
