Rusiyanın planlarına nüvə triadasının (üçlüyünün) gələcək inkişafı daxildir.
Publika.az xəbər verir ki, bunu Rusiya prezidenti Vladimir Putin ali hərbi təhsil müəssisələrinin məzunları ilə görüşündə deyib.
“Bizim planlarımıza strateji çəkindirmənin və dünyada qüvvələr balansının qorunmasının təminatı kimi nüvə triadasının daha da inkişaf etdirilməsi daxildir”, - deyə Rusiya prezidenti qeyd edib.
Dövlət başçısı əlavə edib ki, Rusiya silahlı qüvvələrini təkmilləşdirməyə və müasir səviyyədə qabaqcıl texnologiyalara və elmə, səmərəli maliyyə-iqtisadi həllərə əsaslanan müdafiə siyasətini qurmağa davam edəcək.
O, həmçinin bildirib ki, Rusiya müxtəlif assosiasiyalarla Avrasiya təhlükəsizlik sisteminin yaradılması ilə bağlı məsələlərin geniş müzakirəsinə hazırdır.
Adəm Abbaslı
