Rusiya prezidenti Vladimir Putin belaruslu həmkarı Aleksandr Lukaşenko ilə telefon danışığı aparıb.
Publika.az xəbər verir ki, bu barədə TASS Rusiya liderinin mətbuat katibi Dmitri Peskova istinadla məlumat yayıb.
"Martın 2-də dövlət başçıları telefonla danışıblar. Siyasətçilər arasında söhbət bir saat davam edib. Söhbət zamanı prezidentlər iki ölkə arasında münasibətlərin aktual məsələlərini müzakirə edib, keçirilən tədbirlərin yekunlarına və ən yüksək səviyyədə təmaslara yekun vurublar", - məlumatda deyilir.
Fevralın 26-da Putin də Lukaşenkonu vahid səsvermə gününün uğurla keçirilməsi münasibətilə telefonla təbrik edib. Rusiya lideri səsvermənin nəticələrini “Belarus vətənpərvər qüvvələrinin” qələbəsi adlandırıb.
Hüseyn İbadlı
