Gürcüstan prezidenti Salome Zurabişvili “müxalifətin kuklasıdır”.

QÜTB.AZ "RİA Novosti"yə istinadən xəbər verir ki, Gürcüstanın baş naziri İrakli Kobaxidze onu belə adlandırıb.

“Salome Zurabişvili özü etiraf etdi ki, o, konstitusiyanı pozan prezidentdir və Milli Hərəkat Partiyasının impiçmenti dəstəkləmədiyinə görə öz mövqeyini qoruyub. Nəticə etibarı ilə o, artıq Gürcüstan prezidenti deyil, adi bir kukla olan Milli Hərəkatın prezidentidir. Buna əsaslanaraq, onun sözləri və bəyanatlarının heç bir qüvvəsi yoxdur”.

Qeyd edək ki, avqustun 6-da Gürcüstan parlamentinin spikeri Şalva Papuaşvili bildirib ki, Zurabişvili Saakaşvili və onun Vahid Milli Hərəkat partiyası ilə ittifaqda olduğu üçün onu əfv etmək planını nəzərdən keçirir. Onun sözlərinə görə, prezident postunu eks-prezident və onun partiyası sayəsində qoruyub saxlayır.

Xatırladaq ki, Kobaxidze bir qədər əvvəl bildirmişdi ki, Gürcüstan hakimiyyəti ABŞ-la münasibətləri normallaşdırmaq və yenidən qurmaq üçün addımlar atıb. Onun fikrincə, bunun üçün ədalətlə yanaşı, düzgün, sağlam düşüncəli yanaşma da lazımdır. O, həmçinin vurğulayıb ki, Tbilisi bu istiqamətdə Vaşinqtondan qarşılıqlı addımlar gözləyir.

Adəm Abbaslı