Ekvador prezidenti Daniel Noboa bildirib ki, son vaxtlar ölkədə baş verən zorakılıq bütün dünya üçün problemdir.

Publika.az xəbər verir ki, Noboa BBC-yə "Los Choneros"un lideri Xose Adolfo Macias Villamardan sonra başlayan zorakılıqlarla bağlı qiymətləndirmələr edib.

2023-cü ilin noyabrında ölkənin ən gənc prezidenti olaraq vəzifəyə başlayan Noboa sülhü bərpa etmək vəzifəsinin çətin olduğunu vurğulayıb:

"Terror təşkilatlarının oynamağa çalışdığı bu oyunu davam etdirə bilmərik. Beynəlxalq ictimaiyyətin burada baş verənlərlə həqiqətən maraqlandığını görmək ümidvericidir".

Noboa yaxın həftələrdə Ekvadora səfər edəcək hərbi və diplomatik heyətdən ibarət ABŞ nümayəndə heyəti ilə bağlı da danışıb. Problemin kökünün tam həll edilməsinin lazım olduğuna işarə edib:

"Bu problem bütün dünyanı əhatə edir, burada fəaliyyət göstərən narkotik terrorçularla bağlı Avropa və ABŞ-da əməliyyatlar keçirilib".

Aysel