Pentaqonun rəhbəri Lloyd Ostin yenidən müayinə üçün xəstəxanaya yerləşdirilib.

Publika.az xəbər verir ki, bu barədə ABŞ Müdafiə Nazirliyi öz saytında məlumat yayıb.

Bildirilib ki, stin təhlükəsizlik işçisi tərəfindən fevralın 11-i, bazar günü, saat 14:00 radələrində sidik kisəsi probleminə uyğun simptomların qiymətləndirilməsi üçün üçün Walter Reed Milli Hərbi Tibb Mərkəzinə aparılıb.

Pentaqonun mətbuat katibi Patrik Rayder əmin edib ki, bu barədə müdafiə nazirinin müavini, Birləşmiş Qərargah Rəisləri Komitəsinin sədri, həmçinin Ağ Ev və ABŞ Konqresinə məlumat verilib.

Ostinin müavini deyib ki, zərurət yaranarsa, müdafiə nazirinin funksiya və məsuliyyətlərini öz üzərinə götürməyə hazırdır.

Xatırladaq ki, dekabrın sonunda 70 yaşlı Ostinə xərçəng diaqnozu qoyulub. Yanvarın 1-də xəstəxanaya yerləşdirmənin gec elan edilməsi açıq reaksiyaya səbəb olub və Baydenin əleyhdarlarının tənqid obyektinə çevrilib.

Fevralın 1-də Pentaqonun rəhbəri həmkarlarından və ictimaiyyətdən üzr istəyib və öz hərəkətlərinə görə məsuliyyəti öz üzərinə götürdüyünü bildirib.

Ostinin ifadə vermək üçün fevralın 14-də Konqresə gəlməsi planlaşdırılır.

Hüseyn İbadlı