Ermənistanın Baş nazirinin həyat yoldaşı, “Mənim addımım” fondunun icraçı direktoru olan Anna Akopyan ölkənin iri biznes nümayəndələrindən külli miqdarda pul tələb etməyə başlayıb.
Publika.az News.am-a istinadla xəbər verir ki, bununla bağlı sahibkarlar məlumat yayıblar.
"Bizimlə əlaqə saxlayan iş adamları xüsusi olaraq qeyd edirlər ki, Anna Akopyanın adından məktub alıblar. O, məktub vasitəsi ilə müxtəlif şirkətlərdən on milyonlarla dramlara qədər pul tələb edir. Məktubda bu vəsaitlərin müxtəlif xeyriyyə məqsədləri üçün xərclənəcəyi bildirilir, lakin məktubun sonunda hansı biznesdən nə qədər pulun tələb edildiyi böyük şriftlə yazılıb.
Həmin məbləğlər fərqlidir, lakin bizimlə əlaqə saxlayan iş adamları deyirlər ki, Anna Akopyan onlardan ən azı 10 milyon AMD “gözləyir””, - məlumatda deyilir.
