Rusiya Xarici İşlər Nazirliyinin rəsmi nümayəndəsi Mariya Zaxarova Ermənistanın baş naziri Nikol Paşinyanın Azərbaycanla mümkün yeni silahlı münaqişə ilə bağlı bəyanatlarına münasibət bildirib.

Publika.az xəbər verir ki, Zaxarova bu barədə Teleqramda yazıb.

Zaxarova vurğulayıb ki, Ermənistan baş nazirinin bu bəyanatı heç bir halda Rusiya ilə bağlı deyil. O, Paşinyanın açıqlamasının İrəvanla Qərb dövlətləri arasında aparılan məsləhətləşmələrin nəticəsi olduğunu vurğulayıb.

“Bu, İrəvandakı mövcud hakimiyyətin müstəsna səlahiyyətidir və onların qərblilərlə məsləhətləşmələrinin nəticəsidir”, - diplomat qeyd edib.

Xatırladaq ki, Nikol Paşinyan Tavuş vilayətinin sərhəd kəndlərinin sakinləri ilə görüşü zamanı bildirib ki, İrəvan sərhədyanı kəndlər məsələsində Bakı ilə güzəştə getməsə, bir həftə sonra müharibə başlaya bilər.

Cəmilə