"Mən Azərbaycana təklif edirəm ki, atəşkəs rejiminin pozulması ilə bağlı ikitərəfli araşdırma mexanizmi formalaşdırsın".
Publika.az xəbər verir ki, bunu Ermənistanın baş naziri Nikol Paşinyan “Vətəndaş sazişi” partiyasının təşəbbüs qrupunun Qapanda keçirilən iclasında Azərbaycan Müdafiə Nazirliyinin yaydığı son məlumatlarla bağlı sualı cavablandırarkən deyib.
"Hesab edirəm ki, biz hər dəfə vəziyyəti öyrənə biləcəyik, atəşkəs rejiminin pozulması ilə bağlı ikitərəfli araşdırma mexanizminin formalaşdırılması pis fikir olmaz”, - Baş nazir qeyd edib.
Paşinyan vurğulayıb ki, tərəflərdən hərbi prokurorlar və ya digər məmurlar cəlb oluna bilər. Onun fikrincə, bu işlək mexanizm ola bilər.
Hüseyn İbadlı
