Ermənistan Milli Təhlükəsizlik Xidmətinin sərhəd Qoşunları Ermənistan – Azərbaycan sərhədinin Tavuş mərzində delimitasiya olunmuş hissəsində mövqelərini tutublar.
Publika.az xəbər verir ki, bu barədə Ermənistanın Baş naziri Nikol Paşinyan xalqa müraciətində bildirib.
“Hörmətli vətəndaşlar, bu gündən etibarən Ermənistan Milli Təhlükəsizlik Xidmətinin sərhəd qoşunları Tavuş mərzinin Berkaber kəndi boyunca 1,9 km uzunluğunda və Tavuş mərzinin Əskipara və Bağanis kəndləri boyunca 4,9 km uzunluğunda dövlət sərhədinin mühafizəsini öz üzərinə götürüb”, – Ermənistan lideri vurğulayıb.
