İspaniyanın Deputatlar Konqresi (parlamentin aşağı palatası) Kataloniya separatizmi prosesində iştirak edənlərə amnistiya haqqında qanun layihəsini təsdiqləyib.

Publika.az xəbər verir ki, səsvermə parlamentin saytında yayımlanıb. Təşəbbüsü 177 deputat dəstəkləyib, 172 deputat əleyhinə çıxıb. Təxminən 370 nəfəri əhatə edə bilən qanun layihəsi Kataloniyanın keçmiş lideri Karles Puçdemonun “Kataloniya üçün birlikdə” partiyasının dəstəyi sayəsində təsdiqlənib. Təşəbbüs təxminən altı ay əvvəl baş nazir Pedro Sançesin İspaniya Sosialist İşçi Partiyası (PSOE) tərəfindən parlamentdə qeydə alınıb.

Qanun rəsmi hökumət qəzetində dərc edilməlidir və onun icrasına məhkəmələr cavabdeh olacaq.

Qanun sağ müxalifətin kəskin tənqidi ilə üzləşib. İspaniyada minlərlə insan, o cümlədən PSOE-nin Madriddəki baş qərargahı bu təşəbbüsə etiraz edib. Qanundan Krallığın Konstitusiya Məhkəməsinə, eləcə də Aİ məhkəməsinə şikayət etmək olar. Mühafizəkar Xalq Partiyası artıq bunu etmək niyyətini açıqlayıb.

Amnistiyaya daxil edilməli olanlardan biri də 2017-ci ildə Kataloniya hökumətinə qanunsuz müstəqillik referendumunun keçirildiyi vaxtda rəhbərlik etmiş Puçdemondur. Tezliklə o, ölkədən qaçdı, İspaniya məhkəmə orqanları onun ekstradisiyası üçün uğursuz cəhdlər etdi. Siyasətçi artıq krallığa qayıtmağa hazır olduğunu bəyan edib.

Tural