“Məndən filan məbləğdə borca pul istəyirlər, dərhal verirəm. İraq olsun, mən heç kimə “faizə” pul vermirəm, yalnız əl tuturam. Mənə çox böyük məbləğdə borc olan insanlar var”.

Publika.az xəbər verir ki, bu sözləri Əməkdar artist Yusif Mustafayev qonaq olduğu “Xəzər axşamı” verilişində deyib.

Sənətçi bildirib ki, iki dostunun ona 100 mindən artıq borcu var:

“Biri mənə 60 min manat pul borcludur. Ondan cəmi 3 min manat almışam. Mənə 57 min manat borcludur. Digəri 51 min manat borca pul alıb onun isə cəmi 3500 manatını geri qaytarıb. Amma hələ də mənə 47 min manat borcludur. Gedib onları dövlətə şikayət etmirəm. Deyərəm də, sübüt da edə bilərəm, amma etmirəm. Çünki pislik etmək istəmirəm. Məndən borc alanların hər ikisi də dostumdur”.