Mavritaniya Sahil Mühafizə Xidmətinin əməkdaşları Atlantik okeanında batmış qayıqdan 89 miqrantın cəsədini çıxarıblar.
Publika.az xəbər verir ki, xilasetmə əməliyyatı zamanı 5 yaşlı qız da daxil olmaqla, 9 nəfər xilas edilib, onlarla insan itkin düşüb.
Sağ qalanların dediyinə görə, ənənəvi balıqçı qayığı olan kiçik gəmi keçən həftə göyərtəsində 170 nəfərlə Seneqal-Qambiya sərhəd bölgəsindən yola düşüb və Mavritaniyanın cənub-qərb sahillərində batıb.
