Amerikalı məşhur aktrisa Natali Portman müasir gözəllik standartlarına münasibətini açıqlayıb.
Publika.az xəbər verir ki, onun müsahibəsini “Grazia” nəşr edib.
Jurnalistlərlə söhbətində məşhur ulduz Hollivudun hələ də aktrisalar üçün müəyyən meyarlar qoyduğunu deyib. Hansı ki, ulduzlar çalışıb o meyarlarla ayaqlaşırlar. Dünya şöhrətli ulduzun sözlərinə görə, qırmızı xalça bir növ podiuma çevrilib.
“İyirmi yaşım olanda stilistlər yox idi. Bəyəndiyinizi geyinirdiniz və indiki kimi təzyiq, tələblər mövcud deyildi”, - deyə aktrisa qeyd edib.
43 yaşlı aktrisa stilistin olmasının fərdiliyi məhv etdiyinə də aydınlıq gətirib. Natali Portman "Kimsə sizin üçün bir şey seçəndə, özünü ifadə etmə qabiliyyəti azalır", - deyə əlavə edib.
Cəmilə
