Ukrayna millisinin və "Tavriya"nın (Simferopol) komandasının keçmiş qapıçısı Maksim Levitski 1995-ci il oktyabrın 15-də "Şaxtyor" - "Tavriya" matçında baş vermiş faciəli hadisəni xatırladıb.

Publika.az xəbər verir ki, “Şaxtyor” stadionunda partlayış baş verib, nəticədə Donetsk klubunun sahibi Axat Braqin həlak olub. Hadisədən sonra matç dayandırılıb və oktyabrın 31-də davam etdirilib. Oyun 0:0 hesabı ilə başa çatıb. Braqinin ölümündən təxminən bir il sonra Rinat Axmetov “Şaxtyor”un yeni prezidenti olub:

"Həmin matçı klanların döyüşü adlandırmaq olar. "Tavriya" Başmaqi tərəfindən maliyyələşdirilirdi və yunan dəstəsi (red - kriminal dairələrdə Braqinin ləqəbi belə idi) "Şaxtyor"u dəstəkləyirdi. Aralarında hansı münasibət olduğunu xatırlamıram, amma yunanlardan üçü bizimlə oyuna gəldi.

Tribunalar meydandan uzaqda idi. Oyunun başlamasından bir neçə dəqiqə keçmişdi ki, partlayış səsi eşidildi. Tüstü çıxdı, insanlar meydana doğru qaçmağa başladılar. Tamaşaçılar çox deyildi. Beton çökməyə başladığı üçün hamısı hasarın üstündən dırmaşdılar.

Hakimin kim olduğunu xatırlamıram (red - Xersondan olan Anatoli Zosan). Bu, onun ilk matçı idi. Fit səsləndi. Oyun dayandı və bir söz demədən hamı alt tribunaya keçdi. Qarşılaşmada bizimlə klub operatoru Volodya da var idi, o, içəriyə ağarmış və ayaqları beton qalıqlarından kəsilmiş formada gəldi. Bundan sonra nə edəcəyini heç kim bilmirdi.

Polis əməkdaşları paltardəyişmə otağına girib bizə deyirlər: “Uşaqlar, belə bir şey olmayıb. Partlayış stadiondan kənarda baş verib, ölən olmayıb. Davam edin, oynayn. Volodya yıxılır və deyir: “Sən dəlisən? Necə heç kim ölmədi? Divarların hər tərəfində qan var! Partlayışdan az qala ayaqlarım sınmışdı. Biz oynamayacağıq”.

Oktyabrın sonunda bu oyunu başa vurduq. Bu partlayışdan sonra bütün yunan dəstəsi Simferopolda güllələndi. Bir adam gəlib onları vurdu. Demək olar ki, komissar Kattani haqqında film kimi.

Heybət