“Mercedes-Benz”-in Yaponiya filialı olan "Mercedes-Benz Japan" müştərilərini aldatması səbəbilə 8,3 milyon dollar məbləğində cərimələnib.
Publika.az xəbər verir ki, bu barədə Yaponiya hökumətinə bağlı İstehlakçı Məsələləri Agentliyi (CAA) açıqlama verib.
Agentliyin açıqlamasına görə, şirkətin avtomobil kataloqları GLA və GLB modellərinin müəyyən sürücülük yardım sistemləri ilə təchiz edildiyini göstərib.
Kataloqa görə, dayanmış avtomobil yenidən hərəkətə başlayanda onu avtomatik irəli aparan sistem və dönmə siqnalını işə salaraq sürücünün zolaq dəyişdirməsinə imkan verən sistem var.
Lakin yoxlamalar nəticəsində müəyyən edilib ki, bu sürücülük avadanlığı əslində müştərinin istəyindən asılıdır.
Həmçinin şirkətə vəziyyətin təkrarlanmaması üçün tədbir görülməsi tapşırılıb.
Roza Şəfiyeva
