MDB ölkələri Cənubi Qafqazda sülhün bərqərar olmasında son dərəcə maraqlıdır və Azərbaycanla Ermənistanın səylərini dəstəkləyir.
Publika.az xəbər verir ki, bunu Birliyin baş katibi Sergey Lebedev jurnalistlərə deyib.
“Bakı ilə İrəvan arasında sülh müqaviləsinin imzalanması ilə bağlı bəyanatlar uğur qazansa, MDB şad olar. Dekabrda Azərbaycan Respublikası aparatı ilə Ermənistan hökuməti aparatının görüşü hamımızı qane etdi. Həmin görüşdə hər iki tərəf bəyan etdi ki, münasibətlərdəki gərginliyi azaltmaq və düşmənçiliyin qarşısını almaq üçün hər cür səy göstərəcək”, - Lebedev deyib.
O qeyd edib ki, MDB dövlət başçılarının bütün görüşlərində mövzuya toxunulur, müzakirə edilir, hansı tədbirlərin görülməsi ilə bağlı fikirlər səsləndirilir.
Tural
