Sahibkar İlon Mask yaxın illərdə süni intellektin (Sİ) dünyada hər hansı bir insandan daha ağıllı olacağını proqnozlaşdırıb.
Publika.az xəbər verir ki, Mask bu barədə "X" sosial şəbəkəsində məlumat verib.
"Tesla" və "SpaceX"in rəhbəri sosial mediada bloger Co Roqana müsahibəsindən video fraqment paylaşıb və orada 2029-cu ilə qədər süni intellektin istənilən insanın intellekt səviyyəsini ötəcəyini qeyd edib. Mask bu zamana qədər süni intellektin planetdəki bütün insanların ağlının cəmindən daha üstün olacağını söyləyib.
Qeyd edək ki, 2023-cü ilin noyabrında bu barədə verdiyi müsahibəsində sahibkar İlon Mask süni intellektin bəşəriyyət üçün təhlükəli ola biləcəyini söyləmişdi. Mask süni intellektin yüksəlməsi və insanlara zərər vermə ehtimalını 20 faiz qiymətləndirmişdi.
Aytən
