Rusiyanın xarici işlər naziri Sergey Lavrov Venesuelaya səfər edib. Bu ölkə nazirin Latın Amerikası ölkələrinə işgüzar səfərinin ikinci dayanacağı olub.

Publika.az xəbər verir ki, bu barədə TASS məlumat yayıb. Lavrov Karakasa Kubadan gəlib.

Rusiya Xarici İşlər Nazirliyinin rəsmi nümayəndəsi Mariya Zaxarovanın sözlərinə görə, Lavrovun venesuelalı həmkarı İvan Hill Pinto ilə danışıqlar aparacağı, həmçinin respublika lideri Nikolas Maduro və ölkənin icraçı vitse-prezidenti Delsey Rodrigeslə ilə görüşü gözlənilir.

Zaxarovanın sözlərinə görə, tərəflər ikitərəfli strateji tərəfdaşlığın hazırkı vəziyyətini və inkişaf perspektivlərini müzakirə etməyi planlaşdırırlar. Venesuela rəhbərliyi ilə danışıqlar zamanı nazir beynəlxalq və regional gündəliyin əsas mövzularını, eləcə də iki ölkənin Birləşmiş Millətlər Təşkilatı və digər çoxtərəfli platformalarda əlaqələndirilməsi məsələlərini müzakirə edəcək.

Maduronun özünün daha əvvəl dediyi kimi, Lavrov Rusiya prezidenti Vladimir Putindən “vacib mesaj” verəcək.

Bundan sonra Rusiya diplomatiyasının rəhbəri Rio-de-Janeyroya yola düşəcək və orada fevralın 21-dən 22-dək G20 xarici işlər nazirlərinin görüşündə iştirak edəcək.

Tural