"Kapital Bank" ASC-nin dəstəyi və Bakı Mühəndislik Universitetinin təşkilatçılığı ilə ümumtəhsil məktəblərinin 10 və 11-ci sinif şagirdlərini, eləcə də onların müəllimlərini əhatə edən “My Technology” müsabiqəsinə start verilmişdi.
Məktəblilər arasında sahibkarlıq düşüncəsinə malik olan şagirdləri müəyyənləşdirməyi hədəfləyən müsabiqəyə ümumilikdə 140 layihə ilə müraciət edilib. Onlardan perspektivli 30 layihə final mərhələsi hesab edilən sərgidə iştirak etmək şansı qazanıb. Komandalar öz ideyalarını münsiflər heyətinə təqdim etməklə qalib adı uğrunda mübarizə aparıblar. Münsiflər heyətinin qiymətləndirdiyi startap layihələr arasından ən yaxşı 5 layihə qalib seçilib.
Naxçıvan Muxtar Respublikasını təmsil edən “GreenExchange” komandası 5-ci, Quba-Xaçmaz regionundan olan “Trinity Panel” komandası 4-cü, Abşeron-Xızı regionundan müsabiqəyə qatılan “SpecDeaf” komandası 3-cü, “CO2toD Project” komandası isə 2-ci yerə layiq görülüb. Müsabiqənin qalibi adını Quba-Xaçmaz regionunu təmsil edən “The Right Way” komandası qazanıb.
Qalib gələn komandaları "Kapital Bank" və BMU sertifikat və qiymətli hədiyyələrlə mükafatlandırıb.
10 və 11-ci sinif şagirdlərinin, həmçinin onlara mentorluq edən müəllimlərin iştirak etdiyi müsabiqə innovasiya ekosisteminin formalaşması və inkişafına töhfə vermək məqsədilə həyata keçirilib.
Ölkənin I bankı olan "Kapital Bank" "PAŞA Holdinq" MMC-yə daxildir və Azərbaycanda ən böyük filial şəbəkəsi, 120 filialı və 53 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün https://kapitalbank.az saytına, 196 Sorğu Mərkəzinə və yaxud Bankın müxtəlif sosial şəbəkələrdə olan səhifələrinə müraciət edə bilərsiniz. Nağd pul krediti sifarişi üçün— https://kbl.az/prgtk, "Birbank" kartı sifarişi üçün — https://kbl.az/prcrc.
