Finlandiyanın musiqi xadimləri İsrailin Eurovision Mahnı Müsabiqəsində iştirakdan kənarlaşdırılmasını tələb edən petisiya imzalayıb.

Publika.az xəbər verir ki, petisiyanın müəllifləri İsraili Qəzza zolağında hərbi cinayətlərdə ittiham edirlər.

Onlar hesab edirlər ki, müsabiqənin təşkilatçısı Avropa Yayım Birliyi (EBU) israilliləri kənarlaşdırmaqdan imtina edərsə, o zaman Finlandiyanın "Yle" telekanalı öz iştirakçısını geri çağırmalıdır.

Petisiyanın müəlliflərindən biri, mədəniyyət fəalı Lukas Korpelainen “Hufvudstadsbladet” qəzetinə deyib ki, “Eurovision” təşkilatçıları İsrailin müsabiqədə iştirak edərək “imicini yandırmağa” imkan verməməlidir.

Bundan əlavə, petisiya müəllifləri "Yle" TV-ni ikili standartlarda ittiham edərək, onun nümayəndələrinin Rusiyanın Ukraynaya qarşı müharibəyə başlamasından sonra Rusiyanın Eurovision Mahnı Müsabiqəsində iştirakdan kənarlaşdırılmasına çağıran ilk şəxslərdən biri olduğunu iddia ediblər.