İranda 2022-ci ilin sentyabrından bəri həbsdə olan Fransa vətəndaşı Louis Arnaud sərbəst buraxılıb.
Publika.az xəbər verir ki, bu barədə Fransa prezidenti Emmanuel Makron sosial media hesabında açıqlama verib.
Prezident Oman hakimiyyətinə və bu nəticənin əldə edilməsinə kömək edənlərə təşəkkürünü bildirib. O, həmçinin İranı həbsdə olan digər 3 Fransa vətəndaşını gecikmədən azad etməyə çağırıb.
30 yaşlarında bank məsləhətçisi olan Arnaud 2022-ci ildə İrana səfəri zamanı hökumət əleyhinə nümayişlərdə iştirak etmək ittihamı ilə saxlanılıb. O, 2023-cü ildə məhkəmə tərəfindən 5 il həbs cəzasına məhkum edilib.
Arnaudun ailəsi isə onun o dövrdə keçirilən etiraz aksiyalarından uzaq durduğunu və heç vaxt siyasi məqsədlə hərəkət etmədiyini bildirib.
Roza Şəfiyeva
