Ermənistan polisi külli miqdarda narkotik partiyası olan iki narkotik kuryerini saxlayıb.

Publika.az xəbər verir ki, bu barədə İstintaq Komitəsinin mətbuat xidməti məlumat yayıb. Hüquq-mühafizə orqanlarının əməkdaşları Qafan şəhərindən bir qədər aralıda Çakaten kəndi yaxınlığındakı polis postunda içərisində 10 kiloqramdan artıq narkotik vasitəyə bənzər maddə olan “Chrysler” markalı avtomobili saxlayıblar.

Daha sonra məlum olub ki, narkotik vasitələrin ümumi çəkisi təqribən 12 kq, o cümlədən təxminən 6,2 kq marixuana, 4,6 kq metamfetamin, 200 qram heroin, o cümlədən tiryək və ekstaziyə bənzəyən kütlə olub.

Həmçinin məlum olub ki, avtomobilin sürücüsü və sərnişini hələlik şəxsiyyəti məlum olmayan İran vətəndaşı və ya vətəndaşları ilə əvvəlcədən razılaşaraq hərəkət ediblər. Yanvarın 11-də onlar İranla sərhəddə razılaşdırılmış məntəqəyə gediblər və oradan İran tərəfdən göndərilən 3 iri polietilen paketi götürüblər.

İki narkotik kuryeri həbs edilib və istintaq bütün narkotik ticarəti zəncirini araşdırır.

Tural