Böyük Britaniyanın hərbi-dəniz donanması Yəmənin Moha şəhəri yaxınlığında husilərin gəmiyə hücum etdiyini bildirib.
Publika.az xəbər verir ki, bu barədə Böyük Britaniyanın Dəniz Ticarət Əməliyyatları İdarəsinin (UKMTO) “X” sosial şəbəkəsindəki səhifəsində məlumat verilib.
“UKMTO Yəmənin Moha şəhərindən 40 dəniz mili cənubda insident barədə məlumat alıb. Kapitan bildirir ki, onun gəmisi Qırmızı dənizdə iki raketlə hücuma məruz qalıb”, - məlumatda deyilir.
Bundan əvvəl husi hərəkatının nümayəndələri ABŞ və Böyük Britaniyanın Yəmənin Hudeydə şəhəri yaxınlığındakı əraziyə hücumları barədə məlumat vermişdilər.
Tural
