“Mənə elə gəlir ki, Əhmədin valideynləri geniş imkanlari və bəzi rüşvətə bulaşmış məmur və həkimlər sayəsində Əhmədi lazım olanda sağlam, lazım olanda xəstə edə biliblər”.

Publika.az xəbər verir ki, bu sözləri hərbi ekspert Ədalət Verdiyev Xətai rayonunda əvvəlcə bacısı və onun körpə qızını, daha sonra ata-anası və 9 yaşlı qardaşını amansızlıqla öldürməkdə şübhəli bilinən 25 yaşlı Əhməd Əhmədov barəsində deyib.

Ekspert bildirib ki, ailəsini qətlə yetirən Əhmədov Əhməd Mehman oğlu 2020-ci ilin iyul çağırışına hazırlıqla əlaqədar çağırışçılar üçün nəzərdə tutulmuş bütün zəruri müayinələrdən keçirilmiş və göndəriş əsasında 1 nömrəli Respublika Psixiatriya Xəstəxanasına əlavə tibbi müayinəyə göndərilib.

"Xəstəxananın "Sağlamlıq vəziyyətinin müayinə olunması" aktına əsasən çağırışçıya "Şizofrenəbənzər pozuntu" diaqnozu təyin edilib. Bəs sürücülük vəsiqəsini necə alıb? Əgər həqiqətən xəstədirsə, indi niyə həbs olunub? Bu suallara istintaq mütləq cavab tapmalıdır", - ekspert qeyd edib.