Fələstinin radikal HƏMAS hərəkatı ABŞ prezidenti Co Baydenin girovların azad edilməsi təşəbbüsünü rədd edib.
Publika.az xəbər verir ki, bu barədə "Reuters" agentliyi adı açıqlanmayan İsrail rəsmisinə istinadla məlumat yayıb.
Agentliyin həmsöhbətinin sözlərinə görə, İsrail vasitəçilər vasitəsilə Qəzza zolağında Baydenin atəşkəs təklifinə HƏMAS-ın cavabını alıb. Fələstin hərəkatı girovların azad edilməsi ideyasını rədd edib.
İsrail rəsmisi qeyd edib ki, HƏMAS əhəmiyyətli sayda əsas və ən əhəmiyyətli parametrləri dəyişib.
Bundan əvvəl HƏMAS hərəkatı Qəzzada qalan iki rusu azad edəcəyini vəd etsə də, bunun üçün atəşkəs tələb edib.
Hüseyn İbadlı
