Dünya şöhrətli model Gigi Hadid və bacısı Bella Hadidin atası Məhəmməd Hadid Fələstinə dəstək üçün səsini ABŞ administrasiyasına qaldırıb.
Publika.az xəbər verir ki, Kaliforniyada dəbdəbəli otel və villaların tikintisinə cavabdeh olan daşınmaz əmlak şirkətinin sahibi Məhəmməd Hadid ABŞ administrasiyasını tənqid atəşinə tutub. O, ABŞ prezidenti Co Baydenin mühakimə olunmasının tərəfdarı olduğunu bildirib.
75 yaşlı Hadid sosial şəbəkədəki paylaşımında “Bu, Baydenin Fələstin xalqına qarşı apardığı müharibədir” deyib.
"ABŞ İsraili dəstəkləməklə Fələstin xalqına müharibə elan edib. Bayden Qəzzada törədilən soyqırımında iştirak edib və mühakimə olunmaqdan qaça bilməyəcək. O, digər sionistlərlə birlikdə məhkəmə qarşısına çıxarılacaq. Onları faşistləri tutduqları kimi tutacaqlar”,- Hadid bildirib.
Roza Şəfiyeva
