QÜTB.AZ dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir:

Qoç - günün ilk yarısı çətin və qarışıq zamandır. Yaxın ətrafınızdakı insanların sizə ehtiyacı var. Bütün diqqəti öz işlərinizə ayırmağa çalışsanız da, buna nail olmayacaqsınız. Maliyyə problemləri yarana bilər. Ailə üzvləri və sevdiyiniz insanların sizə ehtiyacı var. Onların dediklərini qulaqardına vurmayın.

Günün ikinci yarısında yaxınlarınıza yardım edin. Amma bədxərcliyə yol verməyin. Bu və ya digər xərcin, məsrəfin zərurəti barədə düşünün.

Yeni tanışlarla ünsiyyət zamanı ehtiyatlı olun. Həddən artıq inanmayın. Belədə yalnız öz merkantil maraqlarının təimnatına çalışan insan sizdən yararlanmağa çalışacaq.

Buğa - köklü, ciddi dəyişikliklər vəd etməyən gündür. Önəmli məsələlərin həllini qısamüddətli də olsa, ertələyin. Yaşam potensialının səviyyəsi bir qədər aşağıdır. Səhər saatlarından etibarın özünüzü yorğun hiss etməmək üçün aktiv olun.

Günün ikinci yarısında fiziki işi təxirə salın. Fəqət passivləşməyin. Süstlük əhvalınızı korlaya bilər. Yorucu olmayan, maraqlı məşğuliyyət tapın. Həmin işin yerinə yetirilməsinə dostlar və tanışları da cəlb etmək olar.

Axşam saatlarında qohumlarla ünsiyyətdə fayda var.

Əkizlər - kommersiya fəaliyyəti ilə məşğul olursunuzsa, uğurlu gündür. Anlaşmalar və sövdələşmələr pis alınmayacaq. Yeni layihə və ya işlə bağlı məsələləri təhlil, müzakirə etmək, problemlər həll etmək olar.

Gəlirlər istisna deyil.

Planlaşdırılmamış məbləğ əldə olunacaq.

Günün ikinci yarısında yaşam potensialınızın səviyyəsi yüksəkdir. Əhvalınız pis olmayacaq. Axşam saatlarında aktiv istirahəti seçin. Dostlarla təmaslar yeni ideyalar, enerji verir.

Xərçəng - günün ilk yarısı uğurlu alınacaq. Əhvalınız o qədər də yaxşı olmaya bilər, amma bədbinləşməyin. Yaranmış problemlərin çözülməsində aktiv olun. Çox düşünməyin, çətinlikləri sürətlə həll etməyə can atın.

Yaranmış situasiyadan çıxış yolunu tapmaq üçün gərəkli informasiyanı əldə edin.

Pozitiv olun.

Günün ikinci yarısında yaxınlarınız və ailə üzvlərinizlə münaqişə etməyin. Qarşıdurma varsa, barışmağa çalışın. Romantik təmaslarda təşəbbüskar olun. Sevdiyiniz insanı təəccübləndirin. Darıxmayın.

Şir - mürəkkəb və yorucu işlərlə məşğul olmayın. Mühüm məsələlərin həlli, uzunmüddətli planların reallaşdırılması üçün əlverişli zaman deyil. Yaxın gələcəklə bağlı dəqiq planlar tərtib edin. Əvvəlcədən nəzərdə tutulmuş fəaliyyət planlarına riayət etmək asan deyil.

Günün ikinci yarısında qarşınıza çətin, əldə edilməsi mümkünsüz hədəflər qoymayın. Özünüzə inanmasanız, bədbinliyə qapılsanız, məqsədə çata bilməyəcəksiniz.

Axşam saatları alış-veriş üçün əlverişlidir. Kiçik, amma mühüm gəlirlər olacaq. Şəxsi münasibətlərdə köklü dəyişikliklər ehtimalı azdır. Ciddi problemlər də yaranmayacaq.

Qız - təxəyyülünüzün qurbanı olmayın, situasiyanı real dəyərləndirin. Arzularla illüziyalar əleyhinizə olacaq. Yazılmamış qanunları, ənənələri pozmayın. Başqalarının təcrübəsini nə qədər dəqiq qiymətləndirib effektiv bəhrələnsəniz, səhv etmək şanslarınız o qədər az olacaq.

Günün ikinci yarısında xoş sürprizlər istisna deyil. Xoş təklif, maraqlı xəbər və ya dəvət ala bilərsiniz.

Bəzi ideyalarınızın həyata keçirilməsi yaşamınızda müsbət dəyişikliklərin əsasını qoyacaq. Qətiyyətli, iradəli olun. Mövqelərinizdən geri çəkilməyin.

Tərəzi - günün ilk yarısında ünsiyyətlərinizdə sərvaxt və diqqətli olun. Yaxşı tanımadığınız insanlar problemlər yarada bilər. Bədxahlarla rəqibləri diqqətlə müşahidə edin.

Aillə üzvləri ilə təmaslarda sərinlik yaratmayın. Sevdiyiniz insanla münaqişə ola bilər.

Günün ikinci yarısında yaxın ətrafınızdakı insanların hissləri və niyyətlərini anlamağa çalışın. Onlar sizdən qayğıkeş davranış gözləyirlər.

Axşam saatları pis keçməyəcək. İntuisiyanız yaxşıdır. Uzun çək-çevir olmadan doğru qərarlar verin.

Əqrəb - əvvəllər başlanmış işlərin başa çatdırılması üçün günün ilk yarısı əlverişlidir. Genişmiqyaslı və önəmli layihəni bitirin. İşlərin sonucu gözləntilərinizə uyğun olmaya bilər. Hadisələrin məcrası və olayların inkişaf istiqaməti bədbinlik üçün heç bir səbəb olmadığını göstərir.

Günün ikinci yarısında yeni ideyalar və maraqlar yarana bilər. Yeni, gərəkli işə başlamaq, fərqli təcrübə əldə etmək üçün pis zaman deyil. Axşam saatlarını sakit, rəvan keçirin. Yeni tanışınızla ünsiyyətdə diqqətli, sayıq olun.

Təkliflərə aldanmayın.

Oxatan - günün ilk yarısında çətin qərar verməli olacaqsınız. Durum çətindir. Amma hər şeyin çox pis olduğunu düşünməyin. Az sonra anlayacaqsınız ki, gərginlik və bədbinlik üçün heç bir əsas yoxdur. Hadisələrin istənilən inkişaf istiqamətində vəziyyət pis olmayacaq.

Günün ikinci yarısında kiçik maliyyə itkiləri, uğursuz alış-veriş istisna deyil. Bahalı əşyalar almayın, bədxərclik etməyin. Məsrəflər üçün əlverişli zamanı deyil.

Fiziki işlə məşğul olmayın. Yorucu işi ertələyin. Yaşam potensialının səviyyəsi aşağı düşəcək. Xroniki ağrıların kəskinləşməsi istisna deyil.

Axşam saatlarında normal istirahət edin.

Oğlaq - geniş, böyük planlar qurmayın. Səfər və səyahət üçün əlverişli zaman deyil. Problemlər, çətinliklər, işlərin alt-üst olması ehtimalı var. Yaxın ətrafınızdakı insanların dediklərini absolyut həqiqət sayaraq hərəkət etməyin. Qarşınıza qoyduğunuz məqsədə çatmaq üçün vaxti və qüvvələrinizi əsirgəməyin. Maraqsız işlərlə məşğul olmayın.

Günün ikinci yarısında yaxınlarınızla fikir ayrılıqları, ailə üzvlərindən biri ilə ixtilaf ola bilər. Yaxın ətrafınızdakı insanlar iradlarınızı kəskin və sərt, məsləhətlərinizi isə yersiz sayırlar.

Önəmli məsələlərin müzakirəsi üçün əlverişli zaman deyil.

Dolça - hətta ən mühüm qərarların asanlıqla qəbul ediləcəyi, ən çətin problemlərin çözüləcəyi zamandır. Nəyi nə zaman söyləməyi, hansı addım atmağın gərəkdiyini bilin. İndiyədək dil tapa bilmədiyiniz insanın könlünü almağı bacarın.

Şəxsi münasibətlərdə köklü dəyişikliklər zamanı deyil. Münaqişə və ixtilaflara yol verməməyə çalışın.

Səbrli, təmkinli olun.

Günün ikinci yarısı pis zaman deyil. Romantik təmaslarda irəliləyişlər olacaq.

Axşam saatları pozitiv emosiyalar vəd edir.

Balıqlar - asan olmayan gündür. Köhnə problemlər gündəmə gələcək. Həll olunmuş saydığınız xoşagəlməz məsələlər çözümünü tələb edir.

Yaxınlarınızla mübahisələr istisna deyil. Mövqelərinizi müdafiə etmək, eyni zamanda sakit və təmkinli davranmaq çətindir.

Konstruktiv müzakirəni qarşılıqlı suçlamalara və irad mübadiləsinə çevirməyin.

Günün ikinci yarısında əhvalınız pisləşə bilər. Səhhətinizdəki ən kiçik problem əhvalınızı korlayar, planlarınızı pozar. Gəlirlərdə gecikmə var. Lakin ciddi maliyyə problemləri yaşanmayacaq.