Mayın 15-də sui-qəsd cəhdinə məruz qalan Slovakiyanın Baş naziri Robert Fitso ən azı bir neçə ay öz işinə qayıda bilməyəcək.
Publika.az xəbər verir ki, bu haqda ölkənin xarici işlər naziri Yuray Blanar açıqlama verib.
"Onun səhhəti yaxşılaşır, lakin hər halda, baş nazir vəzifəsinə tam olaraq qayıtması üçün ona bir neçə ay lazım olacaq", - deyə XİN rəhbəri bildirib.
Qeyd edək ki, R. Fitso ötən gün xəstəxanadan evə buraxılıb. Onun qoltuqaltının köməyi ilə yeridiyi bildirilir.
