Gəncədə bıçaq xəsarəti alan gənc ölüb.
QÜTB.AZ "Report"a istinadla xəbər verir ki, hadisə Bağbanlar ərazisində qeydə alınıb.
Belə ki, 1998-ci il təvəllüdlü Huseynov Məhəbbət Ələddin oğlu bir neçə bıçaq xəsarəti alıb.
O, xəstəxanaya çatdırılsa da, müayinə zamanı onun dünyasını dəyişdiyi məlum olub.
Bir neçə bıçaq yarası alan şəxsin qətlə yetirildiyi bildirilir.
Polis əməkdaşlarının keçirdikləri müvafiq tədbirlər nəticəsində hadisəni törətməkdə şübhəli bilinən 2005-ci il təvəllüdlü Sənan Şəfiyev saxlanılıb.
