Belarusdan olan porno model Polşada casusluqda şübhəli bilinərək saxlanılıb.

Publika.az xəbər verir ki, bu barədə "Zerkalo" yazır.

Belarusdan olan 36 yaşlı Daria Ostapenko sərxoş halda dostlarına Belarus DTK-nın məlumatçısı olduğunu bildirdikdən sonra Lodz şəhərində həbs edilib. Bundan sonra gənclər Polşa xüsusi xidmət orqanları ilə əlaqə saxlayıb və onlar dərhal Ostapenkonu həbs ediblər.

Ostapenko Baranoviç şəhərindəndir, Belarusda baytarlıq təhsili alıb, lakin öz ixtisası üzrə işləməyib. 2018-ci ildən başlayaraq qız müxtəlif müxalif siyasi təşkilat və partiyalarla əlaqə saxlamağa başlayıb, onların fəaliyyəti ilə maraqlanıb və iştirak etmək istəyib, ona kömək təklif edib. Məsələn, Ostapenko seçki müşahidəçisi olduğu “Həqiqəti söylə” kampaniyasının üzvü olub və daha sonra müxalif siyasətçi Andrey Dmitriyevin lehinə imza toplayıb.

O, Rita Martin təxəllüsü ilə porno filmlərə çəkilərək pul qazanıb. O, həmçinin müşayiətçi kimi part-time işləyib və "OnlyFans" platformasında səhifə açıb.

Qeyd edək ki, Belarusda porno sənayesində işləmək və fahişəlik cinayət məsuliyyətinə cəlb olunur.

Hüseyn İbadlı