Ermənistan silahlı qüvvələrinin yeni daxili xidmət nizamnaməsi olacaq və bununla bağlı müvafiq qanun layihəsi hazırlanır.

Qütb.az xəbər verir ki, bu barədə Ermənistan Müdafiə Nazirliyi bildirib.

Yeni nizamnaməyə keçid orduda ümumi islahatlar çərçivəsində həyata keçiriləcək. Qeyd olunub ki, nizamnamənin yekun variantı hələ hazır deyil, lakin bəzi detallar artıq məlumdur. Xüsusilə, komandirin şəxsi heyəti təbrik etdiyi vəziyyətlərdə “Ura!” təntənəli nidasının dəyişdirilməsi nəzərdə tutulur. Bu sözün əvəzinə “Kezza!” (Yaşasın) ifadəsindən istifadə ediləcək.

Məlumata görə, buna səbəb “Ura!” nidasının sovet ordusundan miras qalmasıdır. SSRİ dövrünə aid məlumatı silmək üçün Ermənistan hökuməti dəyişikliyə qərar verib.

Sənədin müəllifləri bildiriblər ki, onlar nizamnaməni ordunun heç bir modelinə uyğunlaşdırmağı planlaşdırmırlar.