Futbol hakimi Sergey Zaqudenkov Kemerovoda keçirilən futbol matçında döyülüb

Publika.az xəbər verir ki, bu barədə məlumat Kemerovo Vilayəti Futbol Federasiyasının rəsmi saytında yer alıb.

İnsident mayın 1-də “Ximik” stadionunda keçirilən Kuzbass kubokunun 1/8 final mərhələsinin “Shcheglovskiy Pivovar” və “Sənaye Gəncləri” komandaları arasında keçirilən oyun zamanı baş verib.

Qarşılaşmanın 43-cü dəqiqəsində hesab 2:0 “Shcheglovskiy Pivovar”ın xeyrinə olarkən Zaqudenkov “Sənaye Gəncləri” komandasının müdafiəçisi Vasili Kozlova qırmızı vərəqə göstərib. Futbolçu hakimin qərarı ilə razılaşmayaraq dava edib və hakimin başına üç zərbə endirib.

Hakim həkim briqadasından kömək istəyib və xəstəxanaya yerləşdirilib. Qarşılaşma dayandırılıb və eyni gündə başa vurmaq mümkün olmayıb. Bu hadisə ilə bağlı İntizam Nəzarəti Komitəsinin iclası təyin olunacaq.

“Shcheglovskiy Pivovar”ın qollarını Andrey Kiselev və Nikita Lebedenko vurub.

Hüseyn İbadlı