"Əgər nədənsə hökumətin bağ evlərinin yanında söhbət etmək imkanımız yoxdursa, tələb olunduğu kimi bütün müddət ərzində öz aksiyalarımızı həyata keçirməyi planlaşdırmışıq".

Publika.az xəbər verir ki, bu barədə İrəvanda Respublika Meydanında keçirilən mitinqdə Tavuş yeparxiyasının rəhbəri, baş nazir postuna namizəd Baqrat Qalstanyan məlumat verib.

“Onu da demək istəyirəm ki, tələblərimiz yerinə yetirilməsə, sabah səhər saat 8-də itaətsizlik və etiraz aksiyaları ilə xalqın tələbini nəzərə almalıyıq. Ermənistanın bütün ərazisində dinc itaətsizlik, etiraz, üsyan aksiyaları ilə xalqın tələbini və gücünü qəbul etməyə məcbur etməliyik. Səhər saat 8-də mən başda olmaqla hamımız meydanlarda olacağıq və həyatımızı məhdudlaşdıran, zülm edən insanların hamısını işdən çıxaracağıq”, - Qalstanyan bildirib.

Onun çıxışından sonra hökumət bağ evlərinə yürüş başlayıb. Qeyd edək ki, bugünkü mitinqdə hərəkatın baş nazir postuna namizədi Baqrat Qalstanyan olduğu açıqlanıb. O, 30 illik fəaliyyətinin dondurulması üçün Patriarxa müraciət etdiyini açıqlayıb.

Hüseyn İbadlı