"Türkiyə öz peyklərinin istehsalına başlayacaq".

Publika.az xəbər verir ki, bunu Türkiyə Prezidenti Rəcəb Tayyib Ərdoğan gənclərlə görüşündə bildirib.

"İlk astronavtımızı kosmosa göndərmək gələcək nəslin hazırlanmasında ilk addımımız idi. Ümid edirəm ki, kosmosda öz raketimizi görəcəyik. İnşallah, yaxın illərdə öz kosmik gəmimizin istehsalına başlayacağıq", - deyə Ərdoğan bildirib.

Prezident Türkiyənin ikinci təyyarədaşıyan gəmisinin (birincisi “Anadolu” desant gəmisidir) inşası planlarını da açıqlayıb.

"Biz 2002-ci ildə hakimiyyətə gələndə Türkiyənin öz müdafiə sənayesindəki payı cəmi 20 faiz idi. İndi biz 80 faiz təhlükəsizlik səviyyəsinə çatmışıq və 100 faizə çatmaq niyyətindəyik", - Ərdoğan qeyd edib.

Xatırladaq ki, yanvar ayında Amerikanın "SpaceX" şirkəti, "Axiom Space"in maraqlarına uyğun olaraq, ilk türk astronavtı Alper Gezeravcının da olduğu kosmos turistləri ilə idarə olunan "Crew Dragon" kosmik gəmisi ilə "Falcon 9" raketini buraxıb.

Hüseyn İbadlı