Çin Avropa İttifaqını (Aİ) elektrik mühərrikli avtomobillərə əlavə tarifləri müzakirə etməyə çağırıb.
Publika.az xəbər verir ki, “Global Times” nəşri Aİ-nin Çində istehsal olunan elektrikli avtomobillərə tariflər tətbiq etməzdən əvvəl münasibətləri yumşaltmağa çağırıb.
Qəzet Ticarət Nazirliyinin sözçüsü He Yadonqdan sitat gətirib ki, arbitrajdan əvvəl hələ dörd aylıq müddət var.
Nəşr həmçinin Aİ-ni Avropa avtomobil istehsalçılarının məhdudiyyətlərə etirazlarını nəzərə almağa çağırıb. Buna səbəb isə Pekinin Avropadan donuz əti, süd məhsulları və iri motorlu avtomobilləri idxal etməsidir.
Mətbuat konfransında He Yadonq jurnalistlərə Avropadan idxal edilən donuz ətinə qarşı antidempinq araşdırması barədə məlumat verib.
Çin gömrük məlumatlarına görə, hökumət həmçinin keçən il Fransadan gələn Avropa konyakı ilə bağlı antidempinq araşdırması aparır.
Aysel Şahmar
