“Muhteşem Yüzyıl” serialının ulduzu, türkiyəli aktyor Burak Özçivit Dünya Gənclik Festivalı zamanı Rusiya və Türkiyənin ortaq serial çəkməsinin vaxtının çatdığını deyib.
Publika.az xəbər verir ki, bu barədə REN TV məlumat yayıb.
Aktyorun fikrincə, əgər ölkələr Rusiyada ilk serialı çəkə bilsələr, o zaman bu, axınla gələcək.
Özçivit qeyd edib ki, Rusiya Türkiyənin ən yaxın qonşusudur.
"İnanıram ki, mehriban qonşuluq həyatımızda ola biləcək ən vacib şeydir", - aktyor deyib.
Özçivit fevralın 20-də Rusiyaya gəlib. Moskvada konsert və pərəstişkarları ilə görüş keçirib. Görüş zamanı türkiyəli aktyor rus xalq mahnısı “Kalinka”nı ifa edib.
Hüseyn İbadlı
