Ukraynadakı münaqişənin həlli və sülhün bərqərar edilməsi cəhdləri Polşa və Baltikyanı ölkələrdə müqavimətə səbəb olacaq. Çünki onlar Qərbin daha onları dəstəkləməyəcəyindən ehtiyat edirlər.

Publika.az xəbər verir ki, bu barədə Məsuliyyətli Hökumət üzrə "Quincy" İnstitutunun Avrasiya Proqramının kiçik əməkdaşı Artin DerSimonyan “Politico” nəşrində dərc olunan köşəsində yazıb.

“Onlar instinktiv olaraq hiss edəcəklər ki, bu (münaqişənin həlli – red.) Qərbin onlardan imtina etdiyinə işarədir. Bir neçə həmsöhbət Mərkəzi və Şərqi Avropada çəkindirmənin gücləndirilməsinin onların milli təhlükəsizliyi üçün Ukrayna tərəfindən ərazilərin qaytarılmasından daha vacib olduğunu vurğuladılar”, - deyə ekspert bildirib.

O, həmçinin əlavə edib ki, münaqişəyə son qoymaq və sülhün bərqərar olması üçün Qərb dövlətləri Polşa və Baltikyanı ölkələrin tənqid dərəcəsini azaltmaq üçün onlara yeni təhlükəsizlik zəmanətləri verməli olacaqlar.

Cəmilə