İsveçrənin müdafiə, ictimai mühafizə və idman departamentinin rəhbəri Viola Amqerd bir il müddətinə ölkə prezidenti vəzifəsinin icrasına başlayıb.
Publika.az-ın “The Local” nəşrinə istinadən verdiyi xəbərə görə, 61 yaşlı Amqerd İsveçrənin ilk qadın müdafiə naziri olub. O, 2023-cü ilə qədər vəzifədə olan Alen Bersetdən sonra prezident vəzifəsini icra edəcək.
Qeyd edək ki, İsveçrə prezidentinin real səlahiyyətləri yoxdur. Hər il yanvarın 1-də dəyişdirilir. Dövlət başçısı rotasiya əsasında Federal Şuranın (hökumətin) üzvlərindən birinə çevrilir.
Prezident ölkəni xaricdə təmsil edir, Federal Şuranın iclaslarına sədrlik edir və mübahisəli işlərdə vasitəçilik edir.
