Koreya Respublikasının cənub-şərqində yerləşən Busan şəhərində Amerika hərbçiləri üçün 55-ci təchizat anbarında yanğın baş verib.

QÜTB.AZ xəbər verir ki, bu barədə yerli KBS telekanalı məlumat yayıb.

Yanğın yerli vaxtla təxminən 18:30-da baş verib. Fövqəladə hallar bir neçə saatdır ki, yanğını nəzarət altına almağa çalışsalar da, hələ ki, uğursuz alınıb.

“Yanğın şəhərin mərkəzində yerləşdiyi üçün Busan hakimiyyəti vətəndaşların təhlükəsizliyinə xüsusi diqqət yetirir. Sakinlərə [fövqəladə hallarda necə davranmaq barədə] tövsiyələr olan mesajlar göndərilib”, - materialda deyilir.

Hazırda hadisə yerində 160-dan çox fövqəladə hallar xidmətinin əməkdaşı və 50-dən çox texnika çalışır. Mütəxəssislər yanğının binanın birinci mərtəbəsindən başlaya biləcəyini istisna etməyiblər.

"Burada santexnika işləri aparılıb", - müxbirlər əlavə ediblər.

Onlar bu anbarın ABŞ hərbi texnikasının saxlanması üçün istifadə olunduğunu vurğulayıblar.

Koreya Respublikasında dislokasiya olunmuş amerikalı əsgərlər üçün nəzərdə tutulmuş avadanlıqlar buraya gətirilir.

İtkilər barədə məlumat daxil olmayıb. Baş verənlərlə bağlı digər təfərrüatlar dəqiqləşdirilir.

Hüseyn İbadlı