Nyu-Yorkdakı “Sotheby's” hərrac evində “Apex” adlı böyük dinozavr fosili 44,6 milyon dollara satılıb.
Publika.az xəbər verir ki, ot yeyən “steqosaurus” növü olan bu dinozavr fosili 3 metr 40 santimetr hündürlüyündədir. Burundan quyruğa qədər uzunluğu 8 metrdən çoxdur.
“Apex” 2022-ci ildə Kolorado ştatında bir paleontoloq tərəfindən aşkar edilib. Onun 150 milyon il əvvəl yaşadığı təxmin edilir.
Fosil təxmini dəyərindən 11 dəfə yüksək qiymətə satılıb. Onu alan şəxsin kimliyi isə açıqlanmayıb.
Roza Şəfiyeva
